ព្រុយណេ៖ ព្រះចៅស៊ុលតង់ ហាជី ហាសសាណាល់ បុលគីយ៉ាស់ នៃប្រទេសព្រុយណេ ដារូស្សាឡឹម បានផ្ញើសាររំលែកទុក្ខតេជោ ចំពោះមរណភាពបងប្រុសរបស់សម្ដេច គឺសម្ដេចឧត្ដមទេពញាណ ហ៊ុន ណេង។
ក្នុងសារលិខិតផ្ញើមកកាន់សម្ដេចតេជោ ព្រះចៅស៊ុលតង់នៃប្រទេសព្រុយណេបានលើកឡើងថា៖ «ខ្ញុំមានសេចក្ដីក្រៀមក្រំយ៉ាងខ្លាំង ដែលបានទទួលដំណឹង មរណភាពរបស់ សម្តេច ឧត្ដមទេពញាណ ហ៊ុន ណេង បងប្រុសជាទីស្រលាញ់របស់សម្តេចតេជោ។ ខ្ញុំ និងព្រះរាជវង្សានុវង្ស សូមចូលរួមរំលែកនូវសមានទុក្ខយ៉ាង ជ្រាលជ្រៅ ចំពោះ សម្តេចតេជោ និងក្រុមគ្រួសារ។ យើងស្ថិតនៅជាមួយ សម្តេចតេជោ ក្នុងពេលវេលាដ៏សោកសៅនោះ»។
សម្ដេចឧត្តមទេពញាណ ហ៊ុន ណេង បានទទួលមរណភាពក្នុងជន្មាយុ ៧២ឆ្នាំ កាលពីល្ងាចម៉ោងប្រមាណ ៦និង២៥នាទី ថ្ងៃទី៥ ខែឧសភា ឆ្នាំ២០២២នេះ ដោយសារគាំងបេះដូង៕
